प्रदेश १ को राजधानी विराटनगरमा संक्रमितको संख्या ५०० नाघ्यो ।


प्रकाशित: श्रावण ३२ , आईतबार
 

प्रदेश १ को राजधानी विराटनगरमा थप ४३ जना कोरोना संक्रमण पोजिटिभ देखिएका छन् । विराटनगर महानगरपालिकाका जनस्वास्थ्य महाशाखा प्रमुख रमेश कार्कीले दिनुभएको जानकारी अनुसार शनिबार राति ४३ जना कोरोना संक्रमित थपिएका हुन् । यो सँगै विराटनगरमा संक्रमित हुनेको संख्या ५ सय २३ पुगेको छ । संक्रमितहरुमा पाँच वर्षीय बालक देखि ६३ वर्षीय सम्मका वृद्ध वृद्धा रहेका छन् । 

गत २७ र २८ गते उनीहरूको श्वाब संकलन गरिएको थियो । शनिबार दिउँसो विराटनगरमा मात्र ३८ जना नयाँ कोरोना संक्रमित थपिएका थिए । विराटनगर २ मा चार जना कोरोना संक्रमित थपिएका हुन् भने विराटनगर ३  मा ६  जना संक्रमित थपिएका छन् । यस्तै ४  नम्बर वडामा ३  जना संक्रमित थपिएका छन्, ५  नम्बर वडामा चारजना, ६  नम्बरमा ७  जना र विराटनगर ८  मा एक जना संक्रमित थपिएका हुन् । यसैगरी बिराटनगर वडा नम्बर ९ , ११  र १५  मा ६६ जना संक्रमित थपिएका हुन् । विराटनगरमा मात्रै कोरोना सङ्क्रमणका कारण ६  जनाको मृत्यु भइसकेको छ भने ८६  जनाले कोरोना जितेर फर्किसकेका छन् ।

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार