सिपिएल टि-२० मा सन्दिपको जादु कायमै : जमैका तलावाज भने पराजित





प्रकाशित: भदौ ११,बिहिबार,विराटनगर। 

नेपाली स्पिनर सन्दिप लामिछानेले करेबियन प्रिमियर लिगको आफ्नो पाँचौ खेलमा पनि उत्कृस्ट बलिंग प्रदर्शनलाई जारि राखेका छन्।




गत सिजन आफैले प्रतिनिधित्व गरेको टिम बार्बेडोस ट्राइडेन्ट्स बिरुद्ध खेल्ने क्रममा सन्दिपले २ विकेट लिंदै ४ ओभरमा मात्र १६ रन खर्चिएका हुन्। २ विकेट संगै सन्दिपको प्रतियोगितामा विकेट संख्या ५ खेलमा ७ विकेट पुगेको छ। प्रतियोगितामा अन्तर्गत सन्दिपले पहिलो खेलमा सेन्ट लुसिया बिरुद्ध १ विकेट, दोश्रो खेलमा ट्रिनबागो बिरुद्ध १ विकेट, तेश्रो खेलमा गायना बिरुद्ध २ विकेट तथा चौथो खेलमा गायना बिरुद्ध १ विकेट लिएका थिए।




७५ औं बलमा टुट्यो सन्दिपको बाउन्ड्री विहिन यात्रा 




खेल सुरु हुनु अघि सन्दिपले ५२ बलसम्म बाउन्ड्री नखाई बलिंग गरेका थिए। त्यसलाई निरन्तरता दिंदै पुनः उत्कृस्ट बलिंग गरेका सन्दिपले आज स्पेलको अन्तिम ओभरमा चौका दिएका थिए। खेलमा त्यो नै सन्दिपले दिएको एउटा मात्र बाउन्ड्री थियो। सन्दिपको बाउन्ड्रीविहिन बलको यात्रा तोड्ने क्रममा मिचेल स्यान्टनरले १६ औं ओभरको चौथो बलमा लंग अनमा चौका दिएका थिए। २ बल मात्र लगातार तेश्रो खेलमा चौका/छक्का विहिन हुन सन्दिप चुके।




जमैका तलावाज भने पराजित 

करेबियन प्रिमियर लिग ( सिपिएल टि-२० ) अन्तर्गत पाँचौ खेलमा सन्दिप लामिछाने सम्मिलित टिम जमैका तलावाजले डिफेन्डिङ च्याम्पियन टिम बार्बेडोस ट्राइडेन्ट्ससंग ३६ रनको हार बेहोरेको छ।




हारसंगै जमैका ५ खेलमा २ जित र ३ हार पछि अंकतालिकामा ४ अंक सहित पाँचौ स्थानमा पुगेको छ। बार्बेडोस र गायनाको पनि ५ खेलमा २ जित र ३ हार सहित ४ अंकनै रहेको छ तर नेट रन रेटमा अघि रहँदै बार्बेडोस चौथो र गायना तेश्रो स्थानमा रहेको छ। सेमीफाइनल पुग्न अंकतालिकाको चौथो स्थान भित्र रहनु पर्नेछ।




जमैकाले लिगमा आगामी खेल सेन्ट किट्स एन्ड नेभिस पेट्रिएट्ससंग खेल्नेछ। खेल अगस्ट २९ तारिक राती १२ बजे ( नेपाली समय ) खेलिनेछ।




श्रोत:विकेट नेपाल

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार