श्रम कार्यालय प्रमुख सञ्जेललाई कुटपिट गर्नेको म्याद थप हुँदै



विराटनगर, श्रावण १८, आईतबार
श्रम तथा रोजगार कार्यालय विराटनगरका प्रमुख प्रेम सञ्जेल लाई कुटपिट गरेको आरोपमा पक्राऊ परेका दुईजना कर्मचारीलाई म्याद थप गर्ने तयारी प्रहरीले गरेको छ । सञ्जेललाई शनिबार, आफ्नो कार्यालयकै दुईजना महिला कर्मचारीले कुटपिट गरेका थिए । 

प्रत्यक्षदर्शीका अनुसार, सञ्जेल कार्यालय आएको केहीबेरमा करारमा नियुक्त गरिएका दुईजना कार्यालयका सहयोगी नेत्रकुमारी भट्टराई र मेनुका कोइरालाले कार्यकक्ष प्रवेश गरी चुकुल लगाएर कुटपिट गरेका थिए । उनीमाथि टेबुलमा राखिएको राखिएको पेपर व्हेट, नेम प्लेट, पञ्चिङ मेसिन लगायतले प्रहार गरिएको थियो जसका कारण सञ्जेलको हात, निधार र ओठमा चोटबलागेको थियो । 

उनको रुखो बोली र अपशब्दका कारण कुटपिट गरेको बताइएको छ भने भ्रष्टहरुको इशारामा आफूमाथि आक्रमण भएको भनी सञ्जेल को भनाई छ । कार्यालयमा उनलाई भ्रष्टाचार विरोधी अभियन्ताको रूपमा चिनिने गरिएको छ ।

पक्राउ परेका कार्यालय सहयोगीहरु भट्टराई र कोइरालालाई जी. प्र. का. मोरङ्ग मा "अभद्र व्यवहारको मुद्धा " मा म्याद थप गरी थप अनुसन्धान सुरु गर्ने तयारी प्रहरीले गरेको छ । मिलापत्र गर्न सञ्जेलले स्वीकार नगरेपछि, उनीहरूमाथि मुद्धा चल्ने भएको जानकारी मोरङ्ग प्रहरी प्रमुख एसपी सन्तोष खड्काले जानकारी दिनुभयो ।

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार