गोकुल बाँस्कोटा अडियो प्रकरण: अख्तियारमा उपस्थित हुन मिश्रलाई निर्देशन |



प्रकाशित: भदौ १७, बुधबार, काठमाडौँ ।
तत्कालीन सूचना तथा प्रविधि मन्त्री गोकुल बाँस्कोटाले सेक्युरिटी प्रिन्टिङ प्रेस खरिद प्रकरणमा ७० करोड रुपैयाँ माग गरेको अडियो खुलासा गर्ने विजयप्रकाश मिश्रलाई सात दिनभित्र अख्तियारमा उपस्थित हुन निर्देशन दिएको छ । 

सेक्युरिटी प्रिन्टिङ प्रेस खरिदमा ७० करोड कमिसनको मोलमोलाई भएको भन्ने विषयमा अनुसन्धान गर्नका लागि मिश्रलाई अख्तियारले बुधबार एक सार्वजनिक सूचना जारी गरी बोलाएको हो ।

उक्त सूचनामा " यो म्याद सूचना प्रकाशित भएका मितिले सातदिनभित्र यस आयोगको प्रहरी महाशाखामा अनुसन्धान अधिकृत समक्ष सम्पर्क रहेन आउनुहोला, नआए कानुन बमोजिम भई जानेछ " भनी जनाइएको छ । 

उक्त अडियो सार्वजनिक भएपश्चात् तत्कालीन सञ्चारमन्त्री गोकुल बाँस्कोटाले राजीनामा दिएका थिए । उक्त अडियो मिश्रले गोप्य रुपमा रेकर्ड गरेर मिडियामा दिएको आरोप छ ।

मिश्रले रेकर्डिङ गरेको डिभाइस अख्तियारमा बुझाउनुपर्ने भनिएको छ तर त्यो डिभाइस जापानमा भएको हुँदा लिनका लागि आफू जापान गएको दाबी मिश्रले गरेका छन् ।

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार