"मेरो देशमा" - दिपेश कुमार भगत


प्रकाशित:भाद्र १८, बिहिबार, विराटनगर ।

 "मेरो देशमा"

आज मेरो देशमा 
पापीहरु जन्मिए साधुको भेषमा -२
कर्मवीरहरु रापिँदै छन् खाडीको रेतमा 
मिथ्यावादी ज्ञानीहरु राजनीतिको रेसमा 
उम्रीएछ्न अघोरीहरु वरिपरि च्याउ सरी
सप्रीएछ्न परजीवीहरु पोषण पाई मनपरी ।
आज मेरो देशमा 
लोभीहरु जन्मिए दानीको भेषमा ...

चेलीहरु असुरक्षित छन् घर परिवेशमा
हिमालहरु पग्लिदैँ छन् आँसुका वेगमा
जननी मेरी धर्ती आमा पीडा र वियोगमा
रोहिरन्छिन् रातदिन छ्टपटिदैँ शोकमा ।
आज मेरो देशमा
दुष्टहरु जन्मिए उदारवादीको भेषमा ...

स्वतन्त्र भनाउँदा यी रङ्कहरुको ताल हेर 
कठपुतली भइ बोकी हिड्छ्न् हातमा मसाल हेर
नारा र जुलुसले गुञ्जायमान आकाश भयो 
क्रान्ति र आन्दोलन हरेक दिन समाचार भयो 
सहिदका सहादतहरु मृत शैय्यामा लाश भए
दरिद्रका रक्तपानले पिसाचहरु स्याबास् भए।
आज मेरो देशमा 
द्रोहीहरु जन्मिए देश भक्तको भेषमा ...


पतित हुने भए सीता र बुद्ध पनि
आउँदो इतिहासको पानामा 
झुकाउने भए सगरमाथा पनि 
विशिष्ट भनाउँदाहरुले माटामा
मेरो सगरमाथा झुकाउने भए 
विशिष्ट भनाउँदाहरुले माटामा ।

दिपेश कुमार भगत
(लेखक मेरिल्याण्ड कलेजका संयोजक हुनुहुन्छ । )

अघिल्लो कविता पनि पढ्नुहोस -  "सुकेका आँसुहरु" - दिपेश कुमार भगत

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार