अर्धनग्न अबस्थामा उखुबारीमा एक किशोरीको शव फेला ।


प्रकाशित: असोज १७, शनिबार, रौतहट ।
रौतहटको बृन्दावन नगरपालिकामा शुक्रबार एक १४ वर्षीय किशोरीको हत्या भएको छ । उनको बलात्कारपछि हत्या गरिएको प्रहरीले अनुमान लगाएको छ । जिल्ला प्रहरी कार्यालय रौतहटका अनुसार गढीमाई नगरपालिका १  घर भई बृन्दाबन नगरपालिका ४ मा मामाको घरमा बस्दै आएकी सीताराम शाहकी छोरी सञ्जाकुमारी साहको हत्या भएको हो ।

बिहान १० बजे तिरको समयमा घाँस काटन गएकी किशोरी साँझसम्म पनि घर नफर्किएपछि परिवार र स्थानीयहरुले खोजी गार्दा अर्धनग्न अवस्थामा स्थानीय होसनारायण यादवको उखुबारीमा उनको शव अर्धनग्न अवस्थामा फेला पारेका थिए ।

स्थानीयवासीका अनुसार शवको अवस्था हेर्दा बलत्कार पछाडि हत्या भएको देखिन्छ । जिल्ला प्रहरी कार्यालय रौतहटका प्रबक्ता डिएसपी भरत श्रेष्ठका अनुसार उक्त घटनाको अनुसन्धान भइरहेको छ ।

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार