पीएसजीको जितमा एमबाप्पे र किनको दुई गोल


एजेन्सी – फ्रान्सेली च्याम्पियन पेरिस सेन्ट जर्मेनका इटालियन फरवार्ड मोइस किनले दुई गोल गरेपछि फ्रान्सेली लिगको पुछारमा रहेको डिजोन ४-० ले पराजित भएको छ ।

प्रिमियर लिग क्लब एभर्टनबाट लोनमा पीएसजी पुगेका किनले खेलको तेस्रो मिनेटमा नै गोल गर्दै घरेलु टोलीलाई अग्रता दिलाएका थिए । मिचेल बेकरको क्रसलाई भलीमा गोल गर्दै किनले गोल गरेका थिए । २३ औं मिनेटमा नेयमारले सिर्जना गरेको उत्कृष्ट मुभमा गोल गर्दै किनले स्कोर २-० बनाए । त्यसअघि नेयमारको प्रहार पोस्टमा लागेर फर्केको थियो ।

खेलको ७३ औं मिनेटमा किनले बल क्लियर गर्ने क्रममा चोट बोकेपछि मैदान छाडेका थिए । तर उनको स्थानमा मैदान प्रवेश गरेका किलीयन एमबाप्पेले अन्तिम १० मिनेटमा दुई गोल गर्न सफल रहे ।

८२ औं मिनेटमा नेयमारको पासलाई सदुपयोग गर्दै एमबाप्पेले ३-० को अग्रता दिलाए । लगत्तै ८८ औं मिनेटमा पाब्लो सराबियाले दिएको पासमा एमबाप्पेले व्यक्तिगत दोस्रो गोल गरे ।

लिगको सुरुवाती दुई खेलमा हार बेहोरेको पीएसजीले त्यसपछि भने लय समात्दै शीर्षस्थानमा उक्लिएको छ । पीएसजीको ८ खेलमा १८ अंक छ भने दोस्रो स्थानको लिलले ७ खेलमा १७ अंक जोडेको छ । डिजोनको भने ८ खेलमा २ अंक मात्र छ ।



हाम्रोखेलकुद बाट साभार

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार