टोटनहम र लेस्टरको सहज जित


एजेन्सी – इंग्लिस क्लब टोटेनहम हस्टपर र लेस्टर सिटीले युुरोपा लिगको नयाँ सिजनमा विजयी सुरुवात गरेको छ ।

समूह ‘जे’ मा टोटेनहमले अष्ट्रियन क्लब लास्कमाथि ३–० को सहज सजत हात पारेको हो । घरेलु मैदानमा बिहीबार राति भएको खेलमा टोटेनहमको सहज जितमा लुकास मौउरा र ह्युङ मिन सनले गोल गर्दा एक गोल उपहार पाएको थियो ।


खेलको १८औं मिनेटमा भिनिसियसको पासमा लुकास मौउराले गोल गर्दै टोटेनहमलाई १–० को अग्रता दिलाए । २७औं मिनेटमा एन्ड्रेस एनड्राडेले आत्मघाती गोल गरेपछि टोटेनहमले पहिलो हाफमा २–० को अग्रता लिन सफल भयो ।


खेल सकिन ६ मिनेट बाँकी रहँदा सव्सिच्युट दक्षिण कोरियन फरवार्ड ह्युङ मिन सनले गोल गर्दै टोटेनहमलाई ३–० को सहज जित दिलाए । ६२औं मिनेटमा ग्यारेथ बेलको स्थानमा मैदान छिरेका सनले भिनिसियसकै पासमा गोल गर्न सफल भएका थिए ।


यही समूहको अर्काे खेलमा रोयल एन्टवेर्पले लुडोगोरेट्स राजग्राडमाथि २–१ को जित दर्ता गरेको छ । यस्तै समूह ‘बी’ मा इंग्लिस क्लब आर्सनलले अष्ट्रियन क्लब रापिड वेनमाथ २–१ पूनरागमन जित निकालेको छ ।



आर्सनलको जितमा डेभिड लुइज र पिएरे इमिरिक औवामियाङले गोल गर्दा रापिडाका ट्यासीआर्चिस फोन्टासले गरेको गोल सान्त्वना बन्यो । यसै समूहको अर्काे खेलमा नर्वेजियन क्लब मोल्डेले आइरिस क्लब डुन्डाल्कमाथि २–१ कै जित निकाल्न सफल भयो ।

यस्तै समूह ‘जी’ मा इंग्लिस क्लब लेस्टर सिटीले युक्रेनी क्लब एफसी जोर्यामाथि ३–० को सहज जित निकालेको छ । लेस्टरको जितमा जेम्स म्याडिसन, हार्भे बार्नेस र केलेची इहेयानाचोले गोल गरे ।


किङ पासवर स्टेडियममा घरेलु टोलीले पहिलो हाफमा दुई तथा दोस्रो हाफमा एक गाल थप्दै सहज जित हात पारेको थियो । यही समूहको अर्काे खेलमा पोर्चुगिज क्लब ब्रागाले ग्रीसको एइके एथेन्समाथि ३–० कै सहज जित हात पारेको छ ।


हाम्रोखेलकुद बाट साभार

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार