"कोरोनानिति " - दिपेश कुमार भगत ।


प्रकाशित: असोज २१, बुधबार, बिराटनगर । 

" कोरोनानिति " 
संचित अन्न रित्तियो सबै 
अझ भरिएन कोश र भकारी -२ 
भोका नाङ्गा भए हेर सारा सहर 
के कोरोना कै हो जिम्मेवारी सदर? 

सामर्थ्यहीन साबित भए 
प्रदेश ,नगर र केन्द्र पनि 
राजस्व झन असुल्दछन् 
गरेर सबलाई कर पनि ।। 

राहत पनि दुईचार केजी 
नबाँडेका होइनन् 
बर्षभरी पुर्याउनु 
भन्न सकेका छैनन् ।। 


भित्र फसाद भागबण्डाको 
बाहिर आतंक छ गुन्डाको 
हुँदा खानेहरुको उपबास सधैं 
मजदुर को त उठिबास हुँदै ।। 

हुनेखानेहरु हेर मस्त छन् 
सक्दो बटुल्नमा ब्यस्त छन् । 

भाग्यमानी हामी कति ज्ञानी 
चुपचाप सहेर बस्दछौँ 
बोल्दा पोलिने त्रासले 
लाटो बनि सब हेर्दछौँ।। 

सारा विश्व डराए हार्न देउ 
बेसारले रोग हामी हराउने छौँ 
भोको बसेर के भो र ?
दरबार नयाँ कार्पेटले सजाउने छौँ । 

भोको बसेर के भो र ?
दरबार नयाँ कार्पेटले सजाउने छौँ ।।

- दिपेश  कुमार भगत ।
(लेखक मेरिल्याण्ड कलेज, बिराटनगरका संयोजक हुनुहुन्छ ।

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार