अखाद्य चामल र भाइमसला बिक्री गर्ने पसल सिलबन्दी


हेटौँडा । अखाद्य वस्तु मिसावट गरी चामल बिक्रीवितरण गर्ने हेटौँडा उपमहानगरपालिका वडा नम्बर १० स्थित विवेक स्टोरमा जिल्ला प्रशासन कार्यालयको निर्देशनमा सिलबन्दी गरिएको छ ।

एक सय बोरा अखाद्य चामल उक्त स्टोरमा भेटिएपछि संयुक्त अनुगमन टोलीले सिलबन्दी गरेको जिप्रकाले जनाएको छ ।
खाद्य तथा गुणस्तर नियन्त्रण कार्यालय, उपमहानगरपालिका, घरेलु कार्यालय र उपभोक्ता समितिका प्रमुख तथा प्रतिनिधिसहितको टोलीले हेटौँडा १० मा रहेको सो स्टोर सिलबन्दी गरी अनुसन्धान प्रकिया अगाडि वढाएको अनुगमन टोलीमा सहभागी सहदेव आचार्यले जानकारी दिए ।

उक्त चामलमा पशुपन्छीलाई खुवाउने कनिका मिसाएको पाइएकाले नष्ट गर्नसमेत खाद्य तथा गुणस्तर नियन्त्रण कार्यालयले निर्देशन दिएको जनाइएको छ । यसैगरी अनुगमन टोलीले हेटौँडा बजारमा उपभोक्तालाई बिक्रीवितरण गर्न राखिएको भाइमसला बिक्रीमा केही पसललाई रोक लगाएको जिप्रकाका शाखा अधिकृत देवचन्द्र गड्तौलाले भने ।

सो टोलीले करीब दुई दर्जन खाद्यान्न तथा मिठाइ पसलको अनुगमन तथा निरीक्षण गरेपछि त्यस्तो रोक लगाएको हो । रासस

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार
close
HTML tutorial