काठमाडौँमा विद्यालय कतै खुले, कतै अन्योल


प्रकाशित: मंसिर २१, आइतबार, काठमाडौँ । 

सरकारले कोरोना जोखिमको मूल्यांकन गरी स्थानीय तहलाई विद्यालय खोल्ने अधिकार दिएसँगै अहिले देशभर विद्यालय खुल्न थालेका छन् । काठमाडौँ महानगरपालिका भित्रका विद्यालय सञ्चालन गर्न महानगर छलफलमा जुटेको छ ।

कोरोना जोखिम बढिरहेकाले तत्काल विद्यालय सञ्चालन गर्ने वा नगर्ने भन्ने विषयमा स्वास्थ्यविज्ञ, शिक्षाविद् लगायत सम्बन्धित निकायसँग छलफल गरेर मात्र विद्यालय खोल्ने निर्णय गर्न सकिने महानगर, शिक्षा विभागले जनाएको छ ।

त्यस्तै, काठमाडौँ जिल्लाका केही नगरपालिकाले पनि सूचना प्रकाशन गर्दै विद्यालय खुलेको जानकारी दिएका छन् ।

विद्यालयमा अध्ययनरत सबै विद्यार्थीहरू इन्टरनेटको पहुँचमा नहुँदा भौतिकरूपमै उपस्थित गराई पठनपाठन हुन थालेको कागेश्वरी मनोहरा नगरपालिकाले जनाएको छ ।

त्यस्तै गोकर्णेश्वर र दक्षिणकाली नगरपालिकाभित्रका विद्यालय पनि सञ्चालनमा आएका छन् । अन्य नगरपालिकाहरू स्वास्थ्य सुरक्षाका साथ विद्यार्थीहरूलाई भौतिकरूपमै उपस्थित गराएर पढाउनेबारे छलफल गर्न थालेका छन् ।

.

प्रतिक्रीया दिनुहोस :

कमेन्ट गर्नुहोस

आफ्नो प्रतिक्रिया दिनुहोस् :

अघिल्लो समाचार अर्को समाचार
close
HTML tutorial